ଶ୍ରୀମନ୍ଦିର ଗଲା ଅଣସର ଭାର

କାଳିଆ ସାଆନ୍ତଙ୍କ ଲୀଳା ନିଆରା ।

ବର୍ଷକୁ ସେ ଥରେ ଗାଧାନ୍ତି ।

ସେ ପୁଣି ଗୋଟିଏ କି ଦୁଇଟି ଗରା ନୁହେଁ; ପୁରା ୧୦୮ ଗରା ପାଣିରେ ।

ସେହି ପାଣି ପୁଣି ଶ୍ରୀମନ୍ଦିରରେ ଥିବା ସୁନା କୁଅରୁ ଦେବସ୍ନାନ ପୂର୍ଣ୍ଣିମା ଦିନ କଢ଼ାଯାଇ ବଡ଼ଭାଇ ବଳଭଦ୍ର, ଭଉଣୀ ମା’ ସୁଭଦ୍ରା ଓ କାଳଆ ସାଆନ୍ତଙ୍କ ଉପରେ ଢଳାଯାଏ ।

ଏହି ସ୍ନାନ ପରେ ଶ୍ରୀଜୀଉମାନଙ୍କୁ ଜ୍ୱର ହେଉଥିବାରୁ ସେମାନଙ୍କୁ ଚିକିତ୍ସା ନିମନ୍ତେ ଅଣସର ଘରକୁ ନିଆଯାଇଥାଏ ।

ସେଠାରେ ସେବାୟତମାନେ ତାଙ୍କର ଉପଚାର କରନ୍ତି ।

ଏହି କ୍ରମରେ ଆଜି ଶ୍ରୀଜୀଉଙ୍କ ମାମୁ ଘର ନିଆଳି ମାଧବାନନ୍ଦ ପୀଠରୁ ସେବକମାନେ ଅସୁସ୍ଥ ଭଣଜା ଭାଣିଜୀଙ୍କ ପାଇଁ ଅଣସର ଭାର ନେଇ ଯାଇଛନ୍ତି ।

ଭାରରେ ସୁସ୍ୱାଦୁ ଫଳମୂଳ ସହ ତୁଳସୀ, ଦୟଣା ଓ ଫୁଲ ପଠାଯାଇଛି ।