ପଟ୍ଟାମୁଣ୍ଡାଇରେ ବନ୍ୟାପାଣିରେ ଫସିଲେ ଶତାଧିକ ସ୍କୁଲ ପିଲା

ପଟ୍ଟାମୁଣ୍ଡାଇରେ ବନ୍ୟାପାଣିରେ ଫସି ରହିଛନ୍ତି ପ୍ରାୟ ୩ ଶହ ସ୍କୁଲ ପିଲା ।

ପଟ୍ଟାମୁଣ୍ଡାଇର କୁଳସାହି ଆବାସିକ ସ୍କୁଲର ୩ ଶହ ପିଲା ଫସି ରହିଛନ୍ତି ।

ଏଥିସହ କେନ୍ଦ୍ରାପଡ଼ା, ପଟ୍ଟାମୁଣ୍ଡାଇ, ଆଳିରେ ବନ୍ୟା ପାଣି ପଶିବାରୁ ସ୍ଥିତି ଭୟଙ୍କର ହୋଇପଡ଼ିଛି ।

ବ୍ରାହ୍ମଣୀ ନଦୀ ପାଣି କୂଳ ଲଂଘିବାରୁ ଏହି ଆବାସିକ ସ୍କୁଲ ଆଡ଼କୁ ବନ୍ୟାଜଳ ମାଡ଼ି ଆସିଥିଲା ।

ଫଳରେ ସେଠାରେ ରହୁଥିବା ପ୍ରାୟ ୩ ଶହ ପିଲା ବନ୍ୟାରେ ଫସି ରହିଛନ୍ତି ।

ସେହିପରି ପଟ୍ଟାମୁଣ୍ଡାଇ, ଆଳି ଓ କେନ୍ଦ୍ରାପଡ଼ା ବ୍ଲକର ତଳିଆ ଅଂଚଳ ଜଳମଗ୍ନ ହୋଇପଡ଼ିଛି ।

ଏହାଦ୍ୱାରା ମହାବୀର ବଜାରରେ ବ୍ରାହ୍ମଣୀ ନଦୀର ପାଣି ପଶିଛି ।

ଫଳରେ ପାଣି ଘେରରେ ଜଳବନ୍ଦୀ ହୋଇ ରହିଛନ୍ତି ହଜାର ହଜାର ଲୋକ ।

ତେଣେ ଅଲଭା ଠାରେ ବିପଦ ସଂକେତ ଟପିଛି ବ୍ରାହ୍ମଣୀ ।