ପୁଡ଼ୁଚେରୀରେ ବିଜେପି-କଂଗ୍ରେସ ମୁହାଁମୁହିଁ

ପୁଡ଼ୁଚେରୀର ମନ୍ନାଦିପେଟ ବିଧାନସଭା ନିର୍ବାଚନମଣ୍ଡଳୀର ତିରୁକାନୁର ଗ୍ରାମରେ ଭୋଟ ଦେବା ସମୟରେ ବିଜେପି ଏବଂ କଂଗ୍ରେସ କର୍ମୀଙ୍କ ମଧ୍ୟରେ ଗଣ୍ଡଗୋଳ ପରିସ୍ଥିତି ଉପୁଜିଥିଲା ।

କଂଗ୍ରେସ କର୍ମୀମନେ ଭୋଟ ବୁଥ ନିକଟରେ ବିଜେପି କର୍ମୀଙ୍କ ଉପସ୍ଥିତିକୁ ବିରୋଧ କରିବାରୁ ବିବାଦ ଆରମ୍ଭ ହୋଇଥିଲା । କଂଗ୍ରେସ ପକ୍ଷରୁ କୁହାଯାଇଛି ଯେ କେବଳ ଭୋଟରମାନେ ସେଠାରେ ଉପସ୍ଥିତ ରହିବା ଉଚିତ ।

ଏହା ପରେ ଉଭୟ ଦଳର କର୍ମୀମାନେ ଝଗଡ଼ା ଆରମ୍ଭ କରିଥିଲେ ।

ପରିସ୍ଥିତିକୁ ନିୟନ୍ତ୍ରଣ କରିବାକୁ ଯାଇ ପୁଲିସ ଘଟଣାସ୍ଥଳରେ ଲାଠିଚାର୍ଜ କରିବାକୁ ବାଧ୍ୟ ହୋଇଥିଲା । ପୁଲିସ ସୂତ୍ର ଅନୁଯାୟୀ ଏହି ଘଟଣା ଭୋଟ ପ୍ରକ୍ରିୟାକୁ ପ୍ରଭାବିତ କରିନାହିଁ । ଗୃହମନ୍ତ୍ରୀ ଏ ନମଶିବାୟମ ବିଜେପିରୁ ନିର୍ବାଚନ ଲଢ଼ୁଛନ୍ତି ଏବଂ ପୂର୍ବତନ ଉପବାଚସ୍ପତି ଟିପିଆର ସେଲଭମ କଂଗ୍ରେସରୁ ନିର୍ବାଚନ ଲଢ଼ୁଛନ୍ତି । ୨୦୨୬ ବିଧାନସଭା ନିର୍ବାଚନ ପାଇଁ ମତଦାନ ଜାରି ରହିଛି ।

ଅପରାହ୍ନ ୪ଟା ସୁଦ୍ଧା ଆସାମରେ ସର୍ବାଧିକ ୭୫.୯୧% ମତଦାନ ହୋଇଥିବାବେଳେ ପୁଡ଼ୁଚେରୀରେ ୭୨.୪୦%, କେରଳରେ ୬୨.୭୧% ମତଦାନ ହୋଇଛି ।

କେରଳର ୧୪୦ଟି, ଆସାମର ୧୨୬ଟି ଏବଂ ପୁଡ଼ୁଚେରୀରେ ୩୦ଟି ଆସନରେ ମତଦାନ ଜାରି ରହିଛି ।