ବଲାଙ୍ଗିର ଓ କଳାହାଣ୍ଡିରେ ପ୍ରବଳ କୁଆପଥର ମାଡ଼ 

ସୋମବାର ଅପରାହ୍ଣରେ କାଳବୈଶାଖୀ ଝଡ଼ବର୍ଷା ସାଂଗକୁ କୁଆପଥର ମାଡ଼ରେ ବେହାଲ ହୋଇଛନ୍ତି ଓଡ଼ିଶାବାସୀ ।

ଅପରାହ୍ଣ ୪ଟାରେ ରାଜ୍ୟର ବିଭିନ୍ନ ଜିଲାରେ କାଳବୈଶାଖୀ ବର୍ଷା ସାଂଗକୁ ନାକେଦମ କରିଦେଇଥିଲା କୁଆପଥର ମାଡ଼ ।

ବିଶେଷ କରି ବଲାଙ୍ଗିରର ପାଟଣାଗଡ଼ରେ କୁଆପଥର ବର୍ଷା ଯୋଗୁଁ ବ୍ୟାପକ କ୍ଷୟକ୍ଷତି ଘଟିଛି ।

ଏହି କୁଆପଥର ମାଡ଼ରେ ବହୁ ଘର ଛପର ଭାଙ୍ଗିଯାଇଛି । ଫଳରେ ଗୃହପାଳିତ ପଶୁଗୁଡ଼ିକର ଗୁହାଳଘର ଭାଙ୍ଗିଯିବାରୁ ସେମାନେ ବାସହରା ହୋଇପଡ଼ିଛନ୍ତି ।

ସେହିଭଳି କଳାହାଣ୍ଡିର ଧର୍ମଗଡ଼ରେ ମଧ୍ୟ ପ୍ରବଳ କୁଆପଥର ମାଡ଼ ହୋଇଛି ।

ବଲାଙ୍ଗିରରେ ଗତ ସପ୍ତାହରୁ ଦିନବେଳା ପ୍ରବଳ ଟାଣ ଖରା ସହିତ ଗରମ ଅନୁଭୂତ ହେଉଥିବାବେଳେ ସୋମବାର ଅପରାହ୍ଣରେ କୁଆପଥରମାଡ଼ରେ ବେହାଲ ହୋଇଛନ୍ତି ଜିଲାବାସୀ ।

ଏହି କୁଆପଥର ମାଡ଼ରେ ରାଜ୍ୟର ବିଭିନ୍ନ ଜିଲାରେ ବ୍ୟାପକ ଫସଲ ମଧ୍ୟ ନଷ୍ଟ ହୋଇଛି ।