ଆୟର୍ଲାଣ୍ଡ, ଇଂଲଣ୍ଡ ଗସ୍ତରେ ପ୍ରସିଦ୍ଧ କିଷ୍ଣା ସାମିଲ

ଭାରତୀୟ ଦଳର ଆସନ୍ତା ଆୟର୍ଲାଣ୍ଡ ଓ ଇଂଲଣ୍ଡ ଗସ୍ତରୁ ଦ୍ରୁତ ବୋଲର ମହମ୍ମଦ ସିରାଜଙ୍କୁ ବିଶ୍ରାମ ଦିଆଯାଇଛି ।

ତାଙ୍କ ସ୍ଥାନରେ ପ୍ରସିଦ୍ଧ କ୍ରିଷ୍ଣାଙ୍କୁ ସାମିଲ କରାଯାଇଛି । ଆଗକୁ ଭାରତୀୟ ଦଳର ବ୍ୟସ୍ତବହୁଳ ଅନ୍ତର୍ଜାତୀୟ କାର୍ଯ୍ୟସୂଚୀ ଥିବାରୁ ଆବଶ୍ୟକ ବିଶ୍ରାମ ପ୍ରଦାନ ଲାଗି ସିରାଜଙ୍କୁ ଦଳରୁ ବାଦ ଦିଆଯାଇଛି ବୋଲି ବିସିସିଆଇ ପକ୍ଷରୁ କୁହାଯାଇଛି । ବିସିସିଆଇ ଡାକ୍ତରୀ ଦଳ ଓ ଦଳୀୟ ପରିଚାଳନା ମଧ୍ୟରେ ଆଲୋଚନା ପରେ ଏହି ନିଷ୍ପତି ନିଆଯାଇଥିଲା ।

ଜାପାନ ଏସୀୟ କ୍ରୀଡ଼ା ପାଇଁ ପୂର୍ବରୁ ହିଁ ସିରାଜଙ୍କୁ ଦଳରୁ ବାଦ ଦିଆଯାଇଥିଲା । ଏହା ପୂର୍ବରୁ ସିରାଜ ଟ୍ୱେଂଟି-୨୦ ବିଶ୍ୱକପ ଓ ଆଇପିଏଲ ଖେଳିଥିଲେ ।

ଆଫଗାନିସ୍ତାନ ବିପକ୍ଷ ଟେଷ୍ଟରେ ବି ସେ ଖେଳିଥିଲେ । ଆଇପିଏଲରେ ଗୁଜରାଟ ଟାଇଟନ୍ସ ପକ୍ଷରୁ ସେ ସମସ୍ତ ୧୭ଟି ମ୍ୟାଚ ଖେଳିଥିଲେ ।

ଆୟର୍ଲାଣ୍ଡ ଗସ୍ତ କରି ଭାରତ ଜୁନ ୨୬ ଓ ୨୮ତାରିଖରେ ଦୁଇଟି ଟ୍ୱେଂଟି-୨୦ ଖେଳିବ । ଏହା ପରେ ଜୁଲାଇ ୧ରୁ ଭାରତର ଇଂଲଣ୍ଡ ଗସ୍ତ ଆରମ୍ଭ ହେବ, ଯେଉଁଥିରେ ୫ ଟ୍ୱେଂଟି-୨୦ ଓ ୩ଟି ଦିନିକିଆ କ୍ରୀଡ଼ା ରହିଛି ।