ଭୁବନେଶ୍ୱର କୋର୍ଟକୁ ବୋମା ଧମକ

ଏକ ଅଜଣା ମେଲରୁ ଭୁବନେଶ୍ୱର କୋର୍ଟକୁ ବୋମା ଧମକ ମିଳିଛି ।

ଏହି ଧମକ ମିଳିବା ପରେ କୋର୍ଟ ପରିସରରେ ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି ।

ଏଥିସହ ବୋମା ନିଷ୍କ୍ରିୟ ସ୍କ୍ୱାର୍ଡ ଓ ସନ୍ଧାନୀ କୁକୁର ମଧ୍ୟ ତନାଘନା କରିଛନ୍ତି ।

ଏହି ପରିପ୍ରେକ୍ଷୀରେ ଭୁବନେଶ୍ୱର କୋର୍ଟ ପରିସରର ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।

ସେଠାକୁ ଆସୁଥିବା ପ୍ରତିଟି ଗାଡ଼ିକୁ ତନତନ କରି ଯାଂଚ କରାଯିବା ସହ ମେଟାଲ ଡିଟେକ୍ଟରରେ ପ୍ରତ୍ୟେକ ବ୍ୟକ୍ତିଙ୍କୁ ମଧ୍ୟ ଯାଂଚ ଜାରି ରହିଛି ।

ତେବେ ଖବର ଲେଖା ହେବା ପର୍ଯ୍ୟନ୍ତ କୌଣସି ବୋମା ସେଠାରେ ମିଳିନାହିଁ ବୋଲି ପୁଲିସ କହିଛି ।

ତେଣେ କେଉଁ ମେଲରୁ ଏହି ଧମକ ଦିଆଯାଇଛି ତାକୁ ମଧ୍ୟ ସାଇବର ଏକ୍ସପର୍ଟମାନେ ତନଖି କରୁଛନ୍ତି ।