୧୧ ଜିଲାକୁ ଅରେଞ୍ଜ ଓ ୧୯କୁ ୟେଲୋ ୱାର୍ଣ୍ଣିଂ

ଋାଜ୍ୟରେ ପାଣିପାଗରେ ବଡ଼ ପରିବର୍ତନ ହୋଇଛି ।

ଏପ୍ରିଲ ମାସ ଆରମ୍ଭରୁ ଖରା ଟାଣ ହେବା ସହ ପ୍ରବଳ ଗରମ ଅନୁଭୂତ ହେଉଥିଲା । ଗତ ସପ୍ତାହ କାଳ ଲୋକେ ଟାଣ ଖରାରେ ସିଝୁଥିଲେ ।

ଏବେ ମଧ୍ୟ ଦିନରେ ପ୍ରବଳ ଖରା ହେଉଛି ।

ତେବେ ଅପରାହ୍ଣ ୩ଟାରୁ ସନ୍ଧ୍ୟା ୬ଟା ମଧ୍ୟରେ ରାଜ୍ୟର ବିଭିନ୍ନ ଜିଲାରେ ବର୍ଷା ସାଂଗକୁ କାଳବୈଶାଖୀ ଜାରି ରହିଛି ।

ଅନ୍ୟପଟେ ଆସନ୍ତା କାଲି ମଙ୍ଗଳବାର ସକାଳ ପର୍ଯ୍ୟନ୍ତ କାଳବୈଶାଖୀ ଜାରି ରହିବ ବୋଲି ପାଣିପାଗ କାର୍ଯ୍ୟାଳୟ ଚେତାଇ ଦେଇଛି ।

ଏନେଇ ସତର୍କ ସୂଚନା ଜାରି ହୋଇଛି ।

ପାଣିପାଗ ବିଭାଗ ପକ୍ଷରୁ ରାଜ୍ୟର ୧୧ ଜିଲାକୁ ଅରେଞ୍ଜ ୱାର୍ଣ୍ଣିଂ ଜାରି କରାଯାଇଛି । ଅର୍ଥାତ ଏହି ୧୧ ଟି ଜିଲାରେ ପ୍ରବଳ ବର୍ଷା ସାଙ୍ଗକୁ ଝଡ଼ ତୋଫାନ ହେବାର ସମ୍ଭାବନା ରହିଛି ।

ସେହିପରି ୧୯ଟି ଜିଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।