ଇନ୍ଧନ ସଂକଟରେ ‘ଏୟାର ଇଣ୍ଡିଆ’

ତିନି ମାସ ପାଇଁ ୧୦୦ ଅନ୍ତର୍ଜାତୀୟ ବିମାନ ଉଡାଣ ବାତିଲ
ମଧ୍ୟପ୍ରାଚ୍ୟରେ ଚାଲିଥିବା ତୈଳ ସଂକଟ ଯୋଗୁଁ ସମଗ୍ର ବିଶ୍ୱରେ ଇନ୍ଧନର ଅଭାବ ସୃଷ୍ଟି ହୋଇଛି ।

ଏହା ଜେଟ ଇନ୍ଧନ ମୂଲ୍ୟକୁ ମଧ୍ୟ ପ୍ରଭାବିତ କରିଛି, ଯାହା କ୍ରମାଗତ ଭାବେ ବୃଦ୍ଧି ପାଉଛି । ଏହି ସମୟରେ ଏୟାର ଇଣ୍ଡିଆ ଏକ ବଡ଼ ନିଷ୍ପତି ନେଇ ଜୁନ ମାସରୁ ତିନି ମାସ ପାଇଁ ଅନେକ ଅନ୍ତର୍ଜାତୀୟ ବିମାନ ଉଡାଣ ବନ୍ଦ କରିବାର ଘୋଷଣା କରିଛି ।

ରିପୋର୍ଟରୁ ସୂଚନା ମିଳିଛି ଯେ ଦିଲ୍ଲୀରୁ ଯେଉଁ ଅନ୍ତର୍ଜାତୀୟ ବିମାନ ଉଡାଣ ହ୍ରାସ କରାଯାଇଛି, ସେଥିରେ ଚିକାଗୋ ଏବଂ ନ୍ୟୁୟର୍କ, ସିଙ୍ଗାପୁର ଏବଂ ସଂଘାଇ ଭଳି ପ୍ରମୁଖ ସ୍ଥାନ ଅନ୍ତର୍ଭୁକ୍ତ । ଏୟାର ଇଣ୍ଡିଆ ସାନ ପ୍ରାନ୍ସିସ୍କୋ, ପ୍ୟାରିସ ଏବଂ ଟୋରଂଟୋ ଭଳି ପ୍ରମୁଖ ସହରଗୁଡ଼ିକ ମଧ୍ୟ ବିମାନ ଉଡାଣ ହ୍ରାସ କରିଛି । ସାମଗ୍ରିକ ଭାବେ ଏୟାର ଇଣ୍ଡିଆ ପ୍ରତିଦିନ ପ୍ରାୟ ୧୦୦ଟି ବିମାନ ଉଡାଣ ହ୍ରାସ କରିଥିବା ଜଣାପଡ଼ିଛି । ଏୟାର ଲାଇନ୍ସର ଏହି କଠୋର ପଦକ୍ଷେପ ଏପରି ଏକ ସମୟରେ ନିଆଯାଇଛି ଯେତେବେଳେ ଏହା ଏକ ଗମ୍ଭୀର ଆର୍ଥିକ ସଂକଟରେ ରହିଛି ।

ଏୟାର ଇଣ୍ଡିଆ ଗ୍ରୁପ, ଯେଉଁଥିରେ ଏୟାର ଇଣ୍ଡିଆ ଏବଂ ଏୟାର ଇଣ୍ଡିଆ ଏକ୍ସପ୍ରେସ ଅନ୍ତର୍ଭୁକ୍ତ ।

ମାର୍ଚ ୨୦୨୬ରେ ଶେଷ ହେଉଥିବା ଆର୍ଥିକ ବର୍ଷରେ ୨୨,୦୦୦ କୋଟିରୁ ଅଧିକ କ୍ଷତି ସହିଥିବା ଆକଳନ କରାଯାଇଛି । ଟାଟା ଗ୍ରୁପ ଅଧିନରେ ଏକ ବ୍ୟାପକ ପୁନର୍ଗଠନ ଏବଂ ସଂସ୍କାର ପ୍ରୟାସର ଅଂଶ ଭାବେ ବିମାନ କମ୍ପାନୀ ପୂର୍ବରୁ ଅନେକେ ଖର୍ଚ-ସଂଚୟ ପଦକ୍ଷେପ କାର୍ଯ୍ୟକାରୀ କରିସାରିଛି, ଯେଉଁଥିରେ କର୍ମଚାରୀଙ୍କ ପାଇଁ ବାର୍ଷିକ ଦରମା ବୃଦ୍ଧିକୁ ସ୍ଥଗିତ କରିବା, ବ୍ୟକ୍ତିଗତ ଖର୍ଚ ହ୍ରାସ କରିବା ଏବଂ ସମସ୍ତ ବିଭାଗରେ ଅଣ ଅତ୍ୟାବଶ୍ୟକୀୟ ଖର୍ଚ ହ୍ରାସ କରିବା ଆନ୍ତ ଅନ୍ତର୍ଭୁକ୍ତ ।