ପୁଲିସ ପଞ୍ଝାରେ ନକଲି ଏନଆଇଏ ଅଫିସର

ନିଜକୁ ଏନଆଇଏ ଅଫିସର କହି ଲୋକଙ୍କୁ ଧମକ ଦେଇ ବାବୁ ଜଣଙ୍କ ଆଦାୟ କରୁଥିଲେ ଟଙ୍କା ।

ହେଲେ ଏହା ଏବେ ତାଙ୍କୁ ମହଙ୍ଗା ପଡ଼ିଛି ।

ଏହା ଆଉ କେଉଁଠି ନୁହେଁ ଖୋଦ ରାଜ୍ୟ ରାଜଧାନୀ ଭୁବନେଶ୍ୱରରେ ଘଟିଛି ।

ଏହି ନକଲି ଏନଆଇଏ ଅଫିସରଙ୍କୁ କମିଶନରେଟ ପୁଲିସ ବାନ୍ଧିଛି ।

ଘଟଣାରୁ ପ୍ରକାଶ ଯେ, ଗିରଫ ଅଭିଯୁକ୍ତ ଜଣକ ନିଜକୁ ଏନଆଇଏ ଅଧିକାରୀ ଦର୍ଶାଇ ଲୋକଙ୍କୁ ଭୟଭୀତ କରି ଟଙ୍କା ଆଦାୟ କରୁଥିଲେ ।

ଏନେଇ ଅଭିଯୋଗ ପରେ ତାଙ୍କୁ ଧରିବା ପାଇଁ ପୁଲିସ ପକ୍ଷରୁ ଜାଲ ବିଛାଯାଇଥିଲା ।

ତାଙ୍କ ନମ୍ବରକୁ ଟ୍ରାକ କରି ଶୁକ୍ରବାର ଖାରବେଳନଗର ପୁଲିସ ଏହି ଯୁବକଙ୍କୁ ଗିରଫ କରିଛି ।

ଗିରଫ ଅଭିଯୁକ୍ତର କି୍ରମିନାଲ ରେକର୍ଡକୁ ପୁଲିସ ତନାଘନା କରୁଛି ।

ଏଥିସହ ଅଭିଯୁକ୍ତ ବ୍ୟବହାର କରୁଥିବା ଏକ ଗାଡ଼ିକୁ ମଧ୍ୟ କମିଶନରେଟ ପୁଲିସ ଜବତ ମଧ୍ୟ କରିଛି ।

ତେବେ ତଦନ୍ତରେ ବ୍ୟାଘାତ ସୃଷ୍ଟି ଆଶଙ୍କାରେ ଅଭିଯୁକ୍ତଙ୍କ ପରିଚୟ ପୁଲିସ ଦେଇନି ।