ବଙ୍ଗଳା ଖାଲି କରିବି ନାହିଁ : ରାବ୍ରି ଦେବୀ
ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଏବଂ ତାଙ୍କ ପତ୍ନୀ, ବିହାର ବିଧାନସଭା ପରିଷଦର ବିରୋଧୀ ଦଳ ନେତା ରାବ୍ରି ଦେବୀଙ୍କୁ ଏକ ବଡ଼ ଝଟକା ଲାଗିଛି । ସେମାନଙ୍କୁ ୧୦ ସର୍କୁଲାର ରୋଡରେ ଥିବା ସେମାନଙ୍କର ଆବଂଟିତ ବଙ୍ଗଳା ଖାଲି କରିବାକୁ ନୋଟିସ ମିଳିଛି ।
ନୋଟିସଟି ଦେଖି ରାବ୍ରି ଦେବୀ କ୍ରୋଧିତ ହୋଇଥିବାର ଖବର ସାମ୍ନାକୁ ଆସିଛି । ସେ ଘୋଷଣ କଲେ ଯେ ‘ଆମେ ବଙ୍ଗଳା ଖାଲି କରିବୁ ନାହିଁ, ଯଦି ତୁମେ ବଳପୂର୍ବକ ଏହାକୁ ଖାଲି କରିପାରୁଛ, ତେବେ ତାହା କର । ସମ୍ରାଟ ଚୌଧୁରୀ ମୁଖ୍ୟମନ୍ତ୍ରୀ ହୋଇଛନ୍ତି, ତେଣୁ ଯଦି ତୁମେ ବଳପୂର୍ବକ ବଙ୍ଗଳା ଖାଲି କରିପାରୁଛ, ତେବେ ତାହା କର । ଆମେ ବଙ୍ଗଳା ଖାଲି କରିବୁ ନାହିଁ ।’
ବିହାରରେ ବର୍ତମାନର ବିଜେପି ସରକାରଙ୍କ କୋଠା ନିର୍ମାଣ ବିଭାଗ ପାଟନାରେ ଥିବା ସେମାନଙ୍କର ହାଇ ପ୍ରୋଫାଇଲ ସରକାରୀ ବାସଭବନ ଖାଲି କରିବା ପାଇଁ ଉଭୟଙ୍କୁ ଏକ ସରକାରୀ ନିର୍ଦେଶ ଜାରି କରିଛି । ବଙ୍ଗଳା ଖାଲି କରାଯାଉଛି, କାରଣ ଏହା ଭାରତୀୟ ଜନତା ପାର୍ଟି (ବିଜେପି)ର ଜଣେ କ୍ୟାବିନେଟ ମନ୍ତ୍ରୀ ନନ୍ଦ କିଶୋର ରାମଙ୍କୁ ଆବଂଟିତ ହୋଇଥିଲା ଏବଂ ସେ ସ୍ଥାନାନ୍ତର ହେବାକୁ ଯାଉଛନ୍ତି । ତେଣୁ ସରକାରୀ ନିର୍ଦେଶ ପାଇବା ପରେ ବିଭାଗ ବଙ୍ଗଳା ଖାଲି କରିବା ପ୍ରକ୍ରିୟା ଆରମ୍ଭ କରିଛି ।
ରାବ୍ରି ଦେବୀଙ୍କୁ ଏକ ନୋଟିସ ପଠାଯାଇଛି, ଯେଉଁଥିରେ ତାଙ୍କୁ ଯଥାଶୀଘ୍ର ସରକାରୀ ବାସଭବନ ଖାଲି କରିବାକୁ ନିର୍ଦେଶ ଦିଆଯାଇଛି । ବିହାରର ରାଜଧାନୀ ପାଟନାର ୧୦ ସର୍କୁଲାର ରୋଡରେ ଅନେକ ବଙ୍ଗଳା ଅବସ୍ଥିତ । ଏହିଠାରେ ରାଜ୍ୟର ରାଜନୈତିକ ବ୍ୟାପାର ପରିଚାଳିତ ହୁଏ, ଲାଲୁ ଏବଂ ରାବ୍ରି ବହୁ ବର୍ଷ ଧରି ଏଠାରେ ଥିବା ଏକ ବଙ୍ଗଳାରୁ ସେମାନଙ୍କ ପରିବାରର ରାଜନୈତିକ କାର୍ଯ୍ୟକଳାପ ପରିଚାଳନା କରି ଆସୁଛନ୍ତି, କିନ୍ତୁ ଏହି ବଙ୍ଗଳା ଆଉ ସେମାନଙ୍କର ରହିବ ନାହିଁ । ଏହି ବଭ୍ଗଳା ସମ୍ରାଟ ଚୌଧୁରୀଙ୍କ ସରକାରର ମନ୍ତ୍ରୀ ନନ୍ଦ କିଶୋରଙ୍କୁ ଦିଆଯାଇଛି ।
ବିହାରର କୋଠା ନିର୍ମାଣ ମନ୍ତ୍ରୀ ଲେସି ସିଂହ ରାବ୍ରି ଦେବୀଙ୍କୁ ଜାରି ହୋଇଥିବା ସରକାରୀ ବାସଭବନ ଖାଲି କରିବା ପାଇଁ ନୋଟିସର ଉତର ଦେଇଛନ୍ତି । ସେ ନୋଟିସକୁ ନିଶ୍ଚିତ କରି କହିଛନ୍ତି ଯେ ବିରୋଧୀ ଦଳ ନେତା ରାବ୍ରି ଦେବୀଙ୍କୁ ୨୦୨୫ ଶେଷରେ ୧୦ ସର୍କୁଲାର ରୋଡରେ ୩୯ ହାର୍ଡିଂ ରୋଡରେ ସରକାରୀ ବାସଭବନ ଆବଂଟିତ କରାଯାଇଥିଲା, କିନ୍ତୁ ବର୍ତମାନ ତାଙ୍କୁ ପୁରୁଣା ବଙ୍ଗଳା ଖାଲି କରିବା ପାଇଁ ନୋଟିସ ପ୍ରଦାନ କରାଯାଉଛି ।
ମନ୍ତ୍ରୀ ଲେସି ସିଂହ ଆହୁରି କହିଛନ୍ତି ଯେ ରାବ୍ରି ଦେବୀଙ୍କୁ ଏକ ନୂତନ ବଙ୍ଗଳା ଆବଂଟନ ସତ୍ୱେ, ଲାଲୁଙ୍କ ପରିବାର ଏବଂ ରାବ୍ରି ଦେବୀ ପୁରୁଣା ୧୦ ସର୍କୁଲାର ରୋଡ ବଙ୍ଗଳାରେ ରହୁଛନ୍ତି । ଏହା ଘୋର ଅବହେଳା । ଏବେ ବିଭାଗ ମନ୍ତ୍ରୀ ନନ୍ଦ କିଶୋର ରାମଙ୍କୁ ବଙ୍ଗଳା ଦେଇଛି, ତେଣୁ ରାବ୍ରି ଦେବୀଙ୍କୁ ଏହାକୁ ଖାଲି କରିବାକୁ ପଡ଼ିବ । ତାଙ୍କ ପାଇଁ ୩୯, ହାର୍ଡିଂ ରୋଡରେ ଏକ ନୂତନ ବାସଗୃହ ପ୍ରସ୍ତୁତ କରାଯାଇଛି ।
