ବିଜେପିରୁ ଆନ୍ନାମଲାଇଙ୍କ ଇସ୍ତଫା

ପୂର୍ବତନ ତାମିଲନାଡୁ ବିଜେପି ରାଜ୍ୟ ସଭାପତି କେ ଆନ୍ନାମଲାଇ ମଙ୍ଗଳବାର ଦଳର ରାଷ୍ଟ୍ରୀୟ ସଭାପତି ନୀତିନ ନବିନଙ୍କୁ ତାଙ୍କର ଇସ୍ତଫା ପତ୍ର ପ୍ରଦାନ କରିଛନ୍ତି । ତେବେ ବିଜେପି ତାଙ୍କ ଇସ୍ତଫା ପତ୍ର ଗ୍ରହଣ କରିଛି କି ନାହିଁ ତାହା ସ୍ପଷ୍ଟ ହୋଇପାରିନାହିଁ ।

ସୂଚନା ଅନୁଯାୟୀ ଅନ୍ନାମାଲାଇ କିଛି ମାସ ମଧ୍ୟରେ ନିଜର ଲୋକ ଆନେ୍ଦାଳନ / ଆଂଚଳିକ ରାଜନୈତିକ ଦଳ ଆରମ୍ଭ କରିବେ । ଅନ୍ନାମଲାଇଙ୍କ ନିକଟତମ ସୂତ୍ର ଅନୁଯାୟୀ, ସେ ଗତ କିଛି ମାସ ମଧ୍ୟରେ ବିଜେପି ନେତୃତ୍ୱଠାରୁ ଦୂରେଇ ଯାଇଥିଲେ ଏବଂ ବିଧାନସଭା ନିର୍ବାଚନରେ ବିଜୟଙ୍କ ବିଜୟ ଦେଖି ରାଜ୍ୟରେ ଆଉ ଏକ ରାଜନୈତିକ ଦଳ ପାଇଁ ସ୍ତାନ ତିବା ବିଶ୍ୱାସ କରି ଆଉ ଏକ ଦଳ ପାଇଁ ଅଂଟା ଭିଡ଼ିଛନ୍ତି । ଭାରତୀୟ ପୁଲିସ ସେବା (ଆଇପିଏସ)ର ପୂର୍ବତନ ଅଧିକାରୀ ଅନ୍ନାମଲାଇ କର୍ଣ୍ଣାଟକର ଏକ ଉଚ୍ଚ ପ୍ରୋଫାଇଲ କ୍ୟାରିୟରରେ କାର୍ଯ୍ୟ କରିଥିଲେ ।

ସେ ୪୦ବର୍ଷ ବୟସରଙ୍କ ୨୦୨୦ ମସିହାରେ ରାଜନୀତିରେ ପ୍ରବେଶ କରିଥିଲେ । ସେ ତାମିଲନାଡ଼ୁର କରୁର ଜିଲାର ମୂଳ ବାସିନ୍ଦା । ଶୀଘ୍ର ବିଜେପିର ପଦପଦବୀରୁ ଉପରକୁ ଉଠି ୨୦୨୧ ମସିହାରେ ଦଳର ତାମିଲନାଡ଼ୁ ସଭାପତି ଭାବେ ନିଯୁକ୍ତ ହୋଇଥିଲେ । ବିଜେପି ତାଙ୍କୁ ଜଣେ ଯୁବ ଏବଂ ଦୃଢ଼ ନେତା ଭାବେ ସାମ୍ନାକୁ ଆଣିଥିଲା ।

ଯିଏ ଦୀର୍ଘ ଦିନ ଧରି ଦ୍ରାବିଡ଼ ପ୍ରମୁଖଙ୍କଦ୍ୱାରା ପ୍ରଭାବିତ ତାମିଲନାଡ଼ୁରେ ଦଳର ସ୍ଥିତି ବିସ୍ତାର କରିବାର ସକ୍ଷମ ଥିଲେ ।

୨୦୨୩ ମସିହାରେ ଅଲ ଇଣ୍ଡିଆ ଆନ୍ନା ଦ୍ରାବିଡ ମୁନେତ୍ର କାଝଗମ (ଏଆଇଏଡିଏମକେ) ଏନଡିଏରୁ ବାହାରିଯିବା ପରେ ଉତେଜନା ବୃଦ୍ଧି ପାଇଲ ଏବଂ ଦଳର ନେତା ଇ ପଲାନିସ୍ୱାମୀ ଏହି ନିଷ୍ପତି ପାଇଁ ଆନ୍ନାମଲାଇଙ୍କୁ ଦାୟୀ କଲେ । ଏପ୍ରିଲ ୨୦୨୫ରେ ଅମିତ ଶାହା ଏଆଇଏଡିଏମକେକୁ ଏନଡିଏକୁ ଫେରାଇ ଆଣିବା ପରେ ଅନ୍ନାମଲାଇ ଦଳର ସଭାପତି ପଦରୁ ଇସ୍ତଫା ଦେଇଥିଲେ ।