ପୁଲିସ-ଅନଲାଇନ ଡ୍ରାଇଭର ସଂଘର୍ଷ

ନିିଜର ହକ୍ ଦାବି ପୂରଣ ପାଇଁ ଭୁବନେଶ୍ୱରରେ ଗତ ୩ ଦିନ ହେବ ଅନ୍ଲାଇନ ଡ୍ରାଇଭରମାନେ ଧାରଣା ଦେଇଛନ୍ତି ।

ତେବେ ବୁଧବାର ସେମାନଙ୍କୁ ଘଉଡ଼ାଇବା ପାଇଁ ପୁଲିସ ପ୍ରଶାସନ ତତ୍ପରତା ଦେଖାଇଥିଲାା । ଫଳରେ ରାଜଧାନୀର ମାଷ୍ଟରକ୍ୟାଂଟିନ ଛକ ଏବଂ ଲୋୟର ପିଏମଜି ରଣକ୍ଷେତ୍ର ପାଲଟିଥିଲା ।

ଗୋଟିଏ ପଟେ ପୁଲିସ ବାହିନୀର ଲାଠିଚାର୍ଜ କରାଯାଇଥିବାବେଳେ ଟେକାପଥର ମାଡ଼ କରି ଧାରଣାରତ ଡ୍ରାଇଭରମାନେ ଏହାର କଡ଼ା ଜବାବ ଦେଇଥିଲେ । ଫଳରେ ଉତେଜନା ବଢ଼ିଥିଲା ।

ଅନ୍ଲାଇନ ଅଟୋ, କାବ ଓ ଉବେରର ଡ୍ରାଇଭରମାନେ ହିଂସାତ୍ମକ ଆଚରଣ କରିଥିଲେ । ସେମାନେ ଏକ ‘ଆମ ବସ୍’କୁ ପଥରମାଡ଼ କରି ଭାଙ୍ଗି ଚୁରମାର କରିଦେଇଛନ୍ତି ।

ତେଣେ ପରିସ୍ଥିତି ଅଣାୟତ ହେବାରୁ ପୁଲିସକୁ ଲାଠିଚାର୍ଜ କରିବାକୁ ପଡ଼ିଥିଲା । ଏହି ଆନେ୍ଦାଳନରେ ଘରୋଇ ପରବହନ କମ୍ପାନୀ ଓଲା, ଉବେର, ରାପିଡ଼ୋର ଡ୍ରାଇଭରମାନେ ଏକାଠି ହୋଇଛନ୍ତି ।

ଏହି ସଂଘର୍ଷ ଯୋଗୁଁ ଆଜି ରେଲୱେ ଷ୍ଟେସନର ଏୟାରପୋର୍ଟ ପର୍ଯ୍ୟନ୍ତ ରାସ୍ତା ଜାମ ହୋଇରହିଛି ।

ଫଳରେ ଶତାଧିକ ଗାଡ଼ି ମଟର ଅଟକି ରହିଥିବାବେଳେ ଲୋକେ ନାହିଁ ନଥିବା ଅସୁବିଧା ଭୋଗିଥିଲେ ।

ଏଥିସହ ଷ୍ଟେସନ ଓ ଏୟାରପୋର୍ଟରୁ ଫେରୁଥିବା ଯାତ୍ରୀ ହନ୍ତସନ୍ତ ହୋଇଥିଲେ ।