୫ ମିନିଟରେ ୭ ଇଂଚ ଫାଙ୍କରେ ହାତସଫେଇ

ସୁରଟରେ ଏବେ ରବରମ୍ୟାନର ଆତଙ୍କ ଦେଖାଯାଇଛି । ଏହି ରବରମ୍ୟାନ ଏତେ କୁଶଳୀ ଯେ ସେ ସଟରର ମାତ୍ର ୭ ଇଂଚ ଫାଙ୍କ ଭିତରେ ପଶି ଦୋକାନରୁ ଚୋରି କରି ନେଉଛି । ଏଭଳି ଏକ ଦୃଶ୍ୟ ସୁରଟସ୍ଥିତ ଏକ ଦୋକାନରେ ଚୋରି ସମୟରେ ସେଠାରେ ଲାଗିଥିବା ସିସିଟିଭି ଫୁଟେଜ କଏଦ କରିନେଇଛି ।

ଚୋର ଜଣକ ସଟର ଟେକି ମାତ୍ର ୭ ଇଂଚର ଫାଙ୍କ ଦେଇ ଦୋକାନ ଭିତରେ ପଶି ସେଠାରେ ଥିବା କ୍ୟାସବକ୍ସରୁ ୨୦ ହଜାର ଟଙ୍କା ଚୋରି କରିଥିବା ଦେଖାଯାଉଛି । ମାତ୍ର ୫ ମିନିଟରେ ଏହି ଚୋର ଏଭଳି କାଣ୍ଡ ଘଟାଇଥିବାବେଳେ ପୁଲିସ ପାଇଁ ଏହା ଏବେ ମୁଣ୍ଡବ୍ୟଥାର କାରଣ ପାଲଟିଛି ।

କାରଣ ଏହି ଚୋର ଜଣେ ମାମୁଲି ଚୋର ନୁହେଁ ଏହାକୁ ପୁଲିସ ରବରମ୍ୟାନ କହୁଛି ।

ଏହି ରବରମ୍ୟାନ ଚୋରର ଶରୀର ଏତେ ନମନୀୟ ଯେ ସେ କେବଳ ସଟର ଟେକି ମାତ୍ର ୭ ଇଂଚର ଫାଙ୍କ ଦେଇ ଆଖି ପିଛୁଳାକେ ଚୋରି କରିନେଉ ଯାଉଛି ।

ପୁଲିସ ଏନେଇ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି ।