୨୪ ମାସରେ ମୋହନ ସରକାରଙ୍କ ୧୨ ବିଫଳତା

ବିଜେଡିର ବରିଷ୍ଠ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ରାଜ୍ୟରେ ମୋହନ ଚରଣ ମାଝୀଙ୍କ ବିଜେପି ସରକାରଙ୍କ କାର୍ଯ୍ୟଦକ୍ଷତା ପ୍ରତି ଅଙ୍ଗୁଳି ନିର୍ଦେଶ କରିଛନ୍ତି ।

ଅନୁଷ୍ଠିତ ଏକ ପ୍ରେସ ମିଟରେ ସେ ତାଙ୍କ ଅଭିଭାଷଣରେ କହିଛନ୍ତି ଯେ, ରାଜ୍ୟରେ ଦୀର୍ଘ ୨୪ ମାସରେ ମୋହନ ସରକାର ୧୨ଟି କ୍ଷେତ୍ରରେ ବିଫଳ ହୋଇଛନ୍ତି ।

ହିତାଧିକାରୀଙ୍କୁ ୩୫ଶହ ଟଙ୍କା ଭତା ଦେବାକୁ କହି ଭୁଲିଗଲେ ।

୮୦ ବର୍ଷର ନାଗରିକଙ୍କୁ ଦେବେ ବୋଲି ନିୟମ ଆଣିଲେ; କିନ୍ତୁ ଦେଲେନି ।

ଚାଷୀଙ୍କୁ ୮୦୯ ଟଙ୍କା ଇନପୁଟ ସବ୍ସିଡି ଦେବେ ବୋଲି କହିଥିଲେ; ମାତ୍ର ୭୩୫ ଟଙ୍କାକୁ ଖସାଇ ଦେଲେ ।

‘ସୁଭଦ୍ରା’ରେ ୫୦ ହଜାର ଦେବେ ବୋଲି କହି ବର୍ଷକୁ ମାତ୍ର ୧୦ ହଜାର ଦେଲେ ।

ଶ୍ରୀମନ୍ଦିରରେ ଧାଡ଼ି ଦର୍ଶନ ଓ ମାଗଣା ମହାପ୍ରସାଦ କଥା ଭୁଲିଗଲେ ।

ଏଥିସହ ଛାତ୍ର ସଂସଦ ନିର୍ବାଚନରେ କାହିଁକି ୟୁଟର୍ଣ୍ଣ ନେଲେ ବୋଲି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ପ୍ରଶ୍ନ କରିଛନ୍ତି ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ।

ସେ ପୁଣି ପଚାରିଛନ୍ତି ଯେ, ମଧ୍ୟାହ୍ନ ଭୋଜନରେ ପିଲାଙ୍କୁ କ୍ଷୀର ଦେବା କୁଆଡ଼େ ଗଲା ?

ସବୁ ବିଧାୟକ ଓ ମନ୍ତ୍ରୀଙ୍କ ଦରମା ବଢ଼ାଇ ତା’ପରେ ପୁଣି ୟୁଟର୍ଣ୍ଣ ନେଲେ କାହିଁକି ?

ସେହିପରି ମେଟ୍ରୋ ପ୍ରକଳ୍ପକୁ ରଦ୍ଦ କରି ସ୍ଥଗିତ ରଖିଥିବା କହୁଛନ୍ତି ।