ଭୀମସେନ ଟୁଡୁ ଚାକିରିରୁ ବିଦା

ବହୁ ଚର୍ଚିତ ଡାକ୍ତରୀ ଛାତ୍ରୀ ଚନ୍ଦ୍ରିକା ହାଁସଦା ହତ୍ୟା ମାମଲାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।

ଏହି ହତ୍ୟାକାଣ୍ଡ ମାମଲାରେ ଗିରଫ ହୋଇଥିବା ତାଙ୍କ ପୁରୁଷ ବନ୍ଧୁ ତଥା ଓଟିଏଏସ ଅଧିକାରୀ ଭୀମସେନ ଟୁଡୁଙ୍କୁ ମୁଖ୍ୟମନ୍ତ୍ରୀଙ୍କ ନିର୍ଦେଶକ୍ରମେ ଚାକିରିରୁ ବହିଷ୍କୃତ କରାଯାଇଛି ।

କାରଣ ଭୀମସେନ ତଦନ୍ତବେଳେ ପୁଲିସକୁ କୌଣସି ସହଯୋଗ କରୁନଥିଲେ ।

ଏନେଇ ଅଭିଯୋଗ ପରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦେଶମତେ ତାଙ୍କୁ ସରକାରୀ ସେବାରୁ ବହିଷ୍କୃତ କରାଯାଇଛି ।

ଭବିଷ୍ୟତରେ ମଧ୍ୟ ସେ ଆଉ କୌଣସି ସରକାରୀ ଚାକିରି କରିପାରିବେ ନାହିଁ ବୋଲି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସୂତ୍ରରୁ ପ୍ରକାଶ ।

ସୂଚନାଥାଉ କି, ଏହି ମାମଲାରେ ଗିରଫ ପରେ ଟ୍ରେନିଂ ସମୟରେ ଭୀମସେନ ଚାକିରିରୁ ବହିଷ୍କୃତ ହୋଇଥିଲେ ।

ଏବେ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।