ହିତାଧିକାରୀଙ୍କୁ ମିଳିଲା ‘ସୁଭଦ୍ରା’ ପଂଚମ କିସ୍ତି

ରାଜ୍ୟର ମୋହନ ସରକାର ଦେଇଥିବା ପ୍ରତିଶ୍ରୁତି ମୁତାବକ ଅଗଷ୍ଟ ୨୮ ତାରିଖ ପବିତ୍ର ରକ୍ଷା ବନ୍ଧନ ଅବସରରେ ଯୋଗ୍ୟ ମହିଳା ହିତାଧିକାରୀଙ୍କ ବ୍ୟାଙ୍କ ଆକାଉଂଟକୁ ‘ସୁଭଦ୍ରା’ ଯୋଜନାର ପଂଚମ କିସ୍ତି ଟଙ୍କା ପଠାଇଛନ୍ତି । ପବିତ୍ର ରକ୍ଷା ବନ୍ଧନ ଅବସରରେ ନୟାଗଡ଼ ଲାଠିପଡ଼ା ଟାଙ୍ଗି ପଡ଼ିଆ ‘ସୁଭଦ୍ରା’ ମଂଚରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ହିତାଧିକାରୀଙ୍କ ଆକାଉଂଟକୁ ଟଙ୍କା ପଠାଇଛନ୍ତି ।

ରାଜ୍ୟର ପ୍ରାୟ ୫ ହଜାର କୋଟିରୁ ଅଧିକ ଟଙ୍କା ଯୋଗ୍ୟ ମହିଳା ହିତାଧିକାରୀଙ୍କ ଖାତାକୁ ଗଲା । ଏହାଦ୍ୱାର ରାଜ୍ୟର ପ୍ରାୟ ୧ କୋଟି ୩ ଲକ୍ଷ ୨୬ ହଜାର ‘ସୁଭଦ୍ରା’ ହିତାଧିକାରୀଙ୍କୁ ମିଳିଲା ଟଙ୍କା ।

ଏହି ଅବସରରେ ପୂର୍ବ ବିଜେଡି ସରକାରକୁ ସମାଲୋଚନା କରିଛନ୍ତି ମୁଖ୍ୟମନ୍ତ୍ରୀ । ବିଗତ ସରକାରରେ ନାରୀ ସଶକ୍ତୀକରଣ କେବଳ ଏକ ସ୍ଲୋଗାନ ଥିଲା ବୋଲି ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି ।

ତେବେ ଏବେକାର ସରକାର ବାସ୍ତବରେ କାମ କରୁଛି । ଆମ ସରକାରର ପ୍ରତିଶ୍ରୁତିବଦ୍ଧତା ହେତୁ ରାଜ୍ୟର ଲକ୍ଷ ଲକ୍ଷ ମହିଳା ‘ସୁଭଦ୍ରା’ ଯୋଜନାରେ ଉପକୃତ ହୋଇପାରିଛନ୍ତି ।

ବିଶେଷ କରି ଆଇଆଇଏମ ସମ୍ବଲପୁର ଓ ଏସବିଆଇ ସର୍ଭେରୁ ସ୍ପଷ୍ଟ ହୋଇସାରିଛି । ପ୍ରାୟ ୪୫% ସୁଭଦ୍ରା ହିତାଧିକାରୀଙ୍କ ଆକାଉଂଟ ଅର୍ଥ ବଢ଼ିଥିବା ଏସ୍ବିଆଇ ତଥ୍ୟ କହୁଛି ।

ଗତ ବଜେଟରେ ୩ ଲକ୍ଷ ୧୦ ହଜାର କୋଟି ବ୍ୟୟ ଅଟକଳ କରିଥିଲୁ ।

ଏହି ବ୍ୟୟ ବରାଦ ଭିତରୁ ମହିଳାଙ୍କ ପାଇଁ ରହିଛି ୧ ଲକ୍ଷ ୨୬ ହଜାର ୭୬୪ କୋଟି ଟଙ୍କା ରହିଛି । ଅର୍ଥାତ ୪୦% ଅର୍ଥ ମହିଳାଙ୍କ ଆର୍ଥିକ ବିକାଶ ପାଇଁ ଲଗାଯାଇଛି ବୋଲି ମୁଖ୍ୟମନ୍ତ୍ରୀ ଶ୍ରୀ ମାଝୀ କହିଛନ୍ତି ।