ବିଜେପି–କଂଗ୍ରେସ କଡ଼ା ଟକ୍କର

ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟରେ ଗୁରୁବାର ଦେଶର ୩ଟି ରାଜ୍ୟରେ ମତଦାନ ହେଉଛି । ଏକକାଳୀନ ଆସାମ, କେରଳ ଓ ପୁଡୁଚେରୀରେ ମତଦାତାମାନେ ସେମାନଙ୍କ ପସନ୍ଦର ଦଳର ପ୍ରାର୍ଥୀଙ୍କୁ ଇଭିଏମରେ ବଟନ ଚିପି ମତଦାନ ଦେଇଛନ୍ତି ।

ଏହିକ୍ରମରେ ସାଂସଦ ଶଶୀ ଥରୁର ମଧ୍ୟ କେରଳରେ ତାଙ୍କ ମତଦାନ ଦେଇଛନ୍ତି ।

ଭାରତର ଉତରପୂର୍ବ ପ୍ରବେଶପଥ ଆସାମରେ କଂଗ୍ରେସ ଓ ଶାସକ ବିଜେପି ମଧ୍ୟରେ କଡ଼ା ଟକ୍କର ହୋଇପାରେ ବୋଲି ଅନୁମାନ କରାଯାଉଛି ।

ସେହିପରି କେରଳରେ ମଧ୍ୟ ତ୍ରିମୁଖୀ ଲଢ଼େଇ ଦେଖିବାକୁ ମିଳିପାରେ ବୋଲି ଅନୁମାନ କରାଯିବା ସହ କେରଳରେ ଏଥରକ ପ୍ରଥମ ଥର ପାଇଁ ବିଜେପି ଖାତା ଖୋଲିବ ବୋଲି କେତେକ ରାଜନୈତିକ ବିଶେଷଜ୍ଞ ଅନୁମାନ କରୁଛନ୍ତି ।

ସେହିଭଳି ପୁଡୁଚେରୀରେ ମଧ୍ୟ ସୁରୁଖୁରରେ ଭୋଟିଂ ଚାଲିଛି ।

ଅପରାହ୍ଣ ୩ଟା ସୁଦ୍ଧା ଏହି ୩ଟି ରାଜ୍ୟରେ ପ୍ରାୟ ୪୧ ପ୍ରତିଶତରୁ ଅଧିକ ମତଦାନ ହୋଇଛି ।