ଇରାନକୁ ଟ୍ରମ୍ପଙ୍କ ଧମକ : ଆଉ ତିନି ଦିନ, ନଚେତ ପାଇପ ଲାଇନରେ ବିସ୍ଫୋରଣ

ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ ଏକ ନୂଆ ଧମକ ଦେଇଛନ୍ତି । ସେ କହିଛନ୍ତି ଯେ ଯୁଦ୍ଧ ସମାପ୍ତ କରିବା ପାଇଁ ଏକ ଚୁକ୍ତିରେ ରାଜି ହେବା ଲାଗି ଇରାନ ପାଖରେ ଆଉ କେବଳ ତିନିଦିନ ରହିଛି ।

ନଚେତ ଏହାର ତୈଳ ପାଇପ ଲାଇନଗୁଡ଼ିକରେ ବିସ୍ଫୋରଣ ହେବ । ଫକ୍ସ ନ୍ୟୁଜ ସହିତ କଥାବାର୍ତା କରି ଟ୍ରମ୍ପ ଚେତାବନୀ ନେଇଛନ୍ତି, ଯଦି ଇରାନ ତେଲ ରପ୍ତାନି ଜାରି ରଖିବାରେ ବିଫଳ ହୁଏ, ତେବେ ପାଇପ୍ଲାଇନଗୁଡ଼ିକ ଯାନ୍ତ୍ରିକ ଏବଂ ପ୍ରାକୃତିକ କାରଣ ଯୋଗୁଁ କ୍ଷତିଗ୍ରସ୍ତ ହେବ ।

ଟ୍ରମ୍ପ ଏହା ମଧ୍ୟ କହିଛନ୍ତି ଯେ ପାଇପ ଲାଇନ ଫାଟିଗଲେ, ଇରାନ ଏହାକୁ ମୂଳ କ୍ଷମତାରେ ପୁନଃ ନିର୍ମାଣ କରିପାରିବ ନାହିଁ ।

ଏହା କେବଳ ପୂର୍ବ ଉତ୍ପାଦନ କ୍ଷମତାର ୫୦%ରେ କାର୍ଯ୍ୟ କରିପାରିବ । ଯଦି ଇରାନ ଆଲୋଚନା କରିବାକୁ ଚାହୁଁଛି, ତେବେ ସେ ଆମେରିକା ସହିତ ଯୋଗାଯୋଗ କରିପାରିବ । ଟ୍ରମ୍ପ କହିଛନ୍ତି ଯେ ଯଦି ସେମାନେ କଥାବାର୍ତା କରିବାକୁ ଚାହାଁନ୍ତି, ତେବେ ସେମାନେ ଆମ ପାଖକୁ ଆସିପାରିବେ, କିମ୍ବା ଆମକୁ କଲ୍ କରିପାରିବେ ।

ଆରମ୍ଭର ଭଲ, ସୁରକ୍ଷିତ ଫୋନ୍ ଲାଇନ ଅଛି ବୋଲି ଟ୍ରମ୍ପ କହିଛନ୍ତି । ଟ୍ରମ୍ପଙ୍କ ସଦ୍ୟତମ ଧମକ ଇରାନ ବୈଦେଶିକ ମନ୍ତ୍ରୀ ଆବାସ ଆରାଘଚି ଇସଲାମାବାଦ ଫେରିବା ପରେ ଆସିଛି, ଯେଉଁଠାରେ ସେ ପାକିସ୍ତାନର ସେନା ମୁଖ୍ୟ ଫିଲ୍ଡ ମାର୍ଶଲ ଅସୀମ ମୁନିରଙ୍କ ସହ ସାକ୍ଷାତ କରିଥିଲେ ।

ତିନିନଦିନ ମଧ୍ୟରେ ଏହା ଆରାଘଚିଙ୍କର ଦ୍ୱିତୀୟ ପାକିସ୍ତାନ ଗସ୍ତ  ପୂର୍ବରୁ ସେ ଶୁକ୍ରବାର ରାତିରେ ପାକିସ୍ତାନରେ ପହଂଚିଥିଲେ ଏବଂ ଶନିବାର ଶାହବାଜ ସରିଫ, ଅସୀମ ମୁନିର ଏବଂ ବରିଷ୍ଠ ଅଧିକାରୀଙ୍କ ସହ ସାକ୍ଷାତ କରିଥିଲେ । ତାପରେ ସେ ଓମାନ ଯାତ୍ରା କରିଥିଲେ ।